Sunday, 11 January 2015

ငွေကြေးလဲလှယ်နှုန်း အတတ်အကျ ချတ် Charts အမျိုးအစားများ


    ငွေကြေးအတက်အကျကို ချတ် Charts အမျိုးအစား ၃ မျိုးနဲ့ ဖေါ်ပြလေ့ရှိပါတယ်။
    
    1) လိုင်းချတ် Line Charts

    ဒီအမျိုးအစားကတော့ ရွေးချယ်ထားတဲ့ အချိန်ပိုင်းတခုအတွင်းမှာ အချိန်ပိုင်းတခုအတွင်း နောက်ဆုံးဖြစ်ပေါ်ခဲ့တဲ့ ငွေလဲလှယ်နှုန်းနဲ့ သူ့ရဲ့နောက်က အချိန်ပိုင်းအတွင်း နောက်ဆုံးဖြစ်ပေါ်ခဲ့တဲ့ ငွေလဲလှယ်နှုန်းတို့ကို မျဉ်းတကြောင်းနဲ့ ဆက်သွယ်ထားခြင်းဘဲဖြစ်ပါတယ်။
    ရှိသမျှအချိန်ပိုင်းအားလုံးကို ဒီနည်းနဲ့ ဆက်သွယ်လိုက်တဲ့အခါ ငွေကြေး တစုံရဲ့ အတက်အကျ သွားရာလမ်းကြောင်းကို အောက်ပါ ချတ် တခုအနေနဲ့မြင်ရမှာ ဖြစ်ပါတယ်။

2) ဘားချတ် Bar Charts

    ဒီအမျိုးအစားကတော့ လိုင်းချတ်အမျိုးအစားထက် နဲနဲပိုရှုပ်သလို အချိန်ပိုင်းတခုကို ဒေါင်လိုက်မျဉ်းတကြောင်းနဲ့ ကိုယ်စားပြုပြီး အတွင်းမှာ အသေးစိတ်အချက်အလက်တွေ ဖြစ်တဲ့ ပထမဆုံးနဲ့ နောက်ဆုံး လဲလှယ်နှုန်းများ၊ အမြင့်ဆုံးနဲ့ အနိမ့်ဆုံး လဲလှယ်နှုန်းများတို့ ပါဝင်ပါတယ်၊ 

ဟင်..... မင်းပြောတော့ အသေးစိတ်လဲလှယ်နှုန်းတွေ ပါတယ်ဆို.......
ဘယ်မှာလဲဟ?............

    ဘားချတ်ရဲ့ အချိန်ပိုင်းတခုကို ကိုယ်စားပြုတဲ့ ဒေါင်လိုက်မျဉ်းတကြောင်းကို သေချာကြည့်မယ်ဆိုရင် အဲဒီအချိန်ပိုင်းအတွင်းမှာ ဖြစ်ပျက်ခဲ့တာတွေကို အောက်ပါပုံအတိုင်း တွေ့မြင်ရမှာဖြစ်ပါတယ်။
HIGH = အမြင့်ဆုံး လဲလှယ်နှုန်း
CLOSE = နောက်ဆုံး လဲလှယ်နှုန်း
OPEN = အစဆုံး လဲလှယ်နှုန်း
LOW = အနိမ့်ဆုံး လဲလှယ်နှုန်း တို့ဖြစ်ပါတယ်။

3) ဖရောင်းတိုင်ချတ် Candlesticks Charts

    ဖရောင်းတိုင်ချတ်ကတော့ လူကြိုက်အများဆုံး ချတ်တခုဖြစ်ပါတယ်၊ ဒီချတ်မှာ ပါရှိတဲ့ အသေးစိတ်အချက်အလက်တွေဟာလဲ ဘားချတ်တခုမှာ ပါရှိတဲ့ အချက်အလက်တွေနဲ့ အတူတူပဲဖြစ်ပါတယ်။
ဒါပေမယ့် ကိုယ်ထည်မှာ သက်ဆိုင်တဲ့အရောင်တွေ ထည့်ထားနိုင်တာမို့ ပိုကြည့်ကောင်းပြီး အချိန်ပိုင်းအခုအတွင်းမှာ တက်သွားခဲ့လား၊ ကျသွားခဲ့လားဆိုတာ အလွယ်တကူခွဲခြားနိုင်ပါတယ်။

    ဖရောင်းတိုင်ချတ် တခုရဲ့ ကိုယ်ထည်တခုကို အနီးကပ်ကြည့်မယ်ဆိုရင်တော့ အောက်ပါပုံအတိုင်း တွေ့ရမှာဖြစ်ပါတယ်၊ ဒီပုံမှာအချိန်ပိုင်းတခုအတွင်း လဲလှယ်နှုန်းတက်ခဲ့ရင် အစိမ်းရောင်နဲ့ ကိုယ်စားပြုထားပြီး၊ လဲလှယ်နှုန်းကျခဲ့ရင် အနီရောင်နဲ့ ကိုယ်စားပြုထားတဲ့အတွက် အဲဒီအချိန်ပိုင်းအတွင်းမှာ တက်သွားခဲ့လား၊ ကျသွားခဲ့လားဆိုတာ ကြည့်လိုက်ရုံနဲ့ အလွယ်တကူ ပြောနိုင်ပါတယ်။
HIGH = အမြင့်ဆုံး လဲလှယ်နှုန်း
CLOSE = နောက်ဆုံး လဲလှယ်နှုန်း
OPEN = အစဆုံး လဲလှယ်နှုန်း
LOW = အနိမ့်ဆုံး လဲလှယ်နှုန်း
UPPER SHADOW = အပေါ်ပိုင်း မီးဇာ (အပေါ်ဘက်တွင် လဲလှယ်နှုန်းလွန်ဆွဲမှု) 
LOWER SHADOW = အောက်ပိုင်း မီးဇာ (အောက်ဖက်တွင် လဲလှယ်နှုန်းလွန်ဆွဲမှု)
REAL BODY = အစဆုံးအချိန်နဲ့ နောက်ဆုံးအချိန်ကြား တကယ့် အတက်၊အကျ ခြားနားချက်

ကိုဗွီနိုင် ဘလော့(ဂ်)မှ ကူးယူဖော်ပြပါသည်။
http://myanmarforextradingeducation.com<<<Thank's

Saturday, 10 January 2015

နိုင်ငံတကာ ငွေကြေးရောင်းဝယ်မှု့တွင် ဖြစ်နိုင်ခြေ ငွေကြေးအတတ်အကျများအား လေ့လာခြင်း


    သင့်ဟာ အခု ဆုံးဖြတ်ချက်တခု ချရမယ့် အချိန်ရောက်လာပြီ ဖြစ်ပါတယ်။

    ကုန်သွယ်မှု သဘောတရား အရ အကျိုးအမြတ် ပိုရှိနိုင်တဲ့လုပ်ငန်းအတွက် ပိုပြီးစွန့်စားရတာကလဲ သဘာဝပါ၊ ကုန်သည် လုပ်ငန်းဟာ သင့်ရဲ့စိတ်နေသဘာဝနဲ့ မကိုက်ညီဘူးဆိုရင်တော့ ဒီနေရာမှာ ဆုံးဖြတ်ပြီး လေ့လာမှုကို ရပ်လိုက်နိုင်ပါတယ်။

    ငွေကြေးလဲလှယ်မှုနှုန်း အတက်အကျကို ရှုထောင့် ၃ မျိုးကနေပြီး လေ့လာကြပါတယ်၊ အဲဒါတွေကတော့......

    ၁) Fundamental Analysis သက်ဆိုင်ရာ နိုင်ငံနဲ့ သူ့ရဲ့အဓိက ကုန်သွယ်ဖက်နိုင်ငံများအား လေ့လာခြင်း
    ၂) Technical Analysis လူတွေရဲ့ အကျင့်စရိုက်များနဲ့ သင်္ချာပညာရပ်များ ပေါင်းစပ်ပြီး တိုင်းထွာလေ့လာခြင်းနဲ့
    ၃) Sentimental Analysis ရောင်းဝယ်နေကြတဲ့ သူတွေရဲ့ လက်ရှိစိတ်ခံစားမှုကို လေ့လာခြင်း တို့ဖြစ်ပါတယ်။

၁) Fundamental Analysis သက်ဆိုင်ရာ နိုင်ငံနဲ့ သူ့ရဲ့ အဓိကကုန်သွယ်ဖက် နိုင်ငံများအား လေ့လာခြင်း
    ဒီလေ့လာမှုကတော့ နိုင်ငံတနိုင်ငံရဲ့ လူမှုရေး၊ စီးပွားရေး၊ နိုင်ငံရေး စတဲ့ အခြေအနေတွေကို လေ့လာခြင်းဖြစ်ပါတယ်။

    လေ့လာရခြင်း အကြောင်းရင်းကတော့ အဲဒီအခြေအနေတွေကိုကြည့်ပြီး ဒီနိုင်ငံရဲ့ အနာဂါတ်ကို ခန့်မှန်းနိုင်ခြင်းကြောင့် ဖြစ်ပါတယ်၊ ဒီလိုအခြေအနေတွေ ကောင်းမယ်ဆိုရင် တခြားနိုင်ငံတွေက ရင်းနှီးမြှုပ်နှံမှုတွေလဲ အဲဒီနိုင်ငံကို ဝင်ရောက်လာတော့မှာဖြစ်ပြီး သူ့ရဲ့ငွေကြေးတန်ဖိုးဟာ မြင့်လာတော့မှာ ဖြစ်ပါတယ်၊ ဒါကြောင့် ဒီနိုင်ငံရဲ့ငွေကြေးကို ဝယ်ယူ ထားခြင်းဖြင့် သင့်အတွက် အကျိုးအမြတ် ရရှိလာမှာဖြစ်ပါတယ်။

    အဆင့်မြင့် သင်္ခန်းစာများ ရောက်ရင် သတင်းတွေရဲ့ အရေးပါမှုအဆင့်တွေနဲ့၊ ဘယ်လို သတင်းမျိုးတွေက သူ့ရဲ့ငွေကြေးကို တန်ဘိုးတက်စေနိုင်တယ် ဆိုတာကို   ဆွေးနွေးဖေါ်ပြသွားပါ့မယ်။

၂) Technical Analysis လူတွေရဲ့ အကျင့်စရိုက်များနဲ့ သင်္ချာပညာရပ်များ ပေါင်းစပ်ပြီး တိုင်းထွာ လေ့လာခြင်း

    ဒီလေ့လာနည်းကတော့ ငွေလဲလှယ်နှုန်းရဲ့ ရွေ့လျှားမှုကို လေ့လာခြင်းဖြစ်ပါတယ်။

    အဓိကယူဆချက်ကတော့ နိုင်ငံတွေရဲ့ စီးပွားရေး၊ နိုင်ငံရေး စတဲ့ သတင်းတွေအားလုံးဟာ နောက်ဆုံးအနေနဲ့ သူတို့ရဲ့   ငွေကြေးတန်ဘိုးအပေါ် အကျိုးသက်ရောက်မှာ ဖြစ်တဲ့အတွက် အဲဒီငွေရဲ့ ရွေ့လျားမှုကို လေ့လာခြင်းဖြင့် သတင်းတွေကိုပါ   လေ့လာပြီးသား ဖြစ်တယ်လို့ ယူဆပါတယ်။ 

   ဒုတိယတချက်အနေနဲ့ သမိုင်းမှာ ရှေ့ကအဖြစ်အပျက်တခုဟာ ပြန်ပြီးဖြစ်တတ်တဲ့ သဘောရှိတာမို့ တချိန်ကဖြစ်ပေါ်ခဲ့တဲ့  အဓိက Support အောက်ခြေအထောက်အပံ့နဲ့  Resistance အပေါ်အတားအဆီး များဟာ နောင်တချိန်မှာ အရေးကြီးတဲ့ အထောက် အပံ့နဲ့ အတားအဆီးများ ပြန်ဖြစ်လာလိမ့်မယ်လို့ ယူဆပါတယ်၊ 

    နောက်တချက် အနေနဲ့လဲ အရင်ကဖြစ်ပေါ်ခဲ့တဲ့ လဲလှယ်နှုန်း ရွေ့လျားမှုပုံစံတွေကို မှတ်သားထားပြီး အလားတူပုံစံမျိုး ဖြစ်ပေါ်လာခဲ့ရင် ဘာဆက်ဖြစ်မယ်ဆိုတာကို ကြိုတင်ခန့်မှန်းနိုင်တယ်လို့ ယူဆထားပါတယ်။

၃) Sentimental Analysis ရောင်းဝယ်နေကြသူတွေရဲ့ လက်ရှိစိတ်ခံစားမှုကို လေ့လာခြင်း

    အထက်မှာ နိုင်ငံတခုရဲ့ငွေကြေးတန်ဘိုးဟာ အဲဒီနိုင်ငံရဲ့ စီးပွားရေး၊ နိုင်ငံရေး စတဲ့သတင်းတွေကိုမူတည်ပြီး အတက်အကျရှိလိမ့်မယ်လို့ ပြောခဲ့ပါတယ်။

    ဒါပေမယ့် တကယ့်ဈေးကွက်ထဲမှာကြတော့ အဲသလောက် ရိုးရိုးကလေးနဲ့ ထွက်ပေါ်လာတဲ့ သတင်းအဆိုးအကောင်းပေါ် မူတည်ပြီး အဲဒီနိုင်ငံရဲ့ ငွေကြေးတန်ဘိုးဟာ အတက်အကျမှန်ကန်ချင်မှ မှန်ကန်တာပါ။

    လူတိုင်းမှာ သူတို့ရဲ့ ကိုယ်ပိုင်ယူဆချက်၊ ထွက်ပေါ်လာတဲ့ သတင်းရဲ့ အကျိုးဆက်ကို ခန့်မှန်းချက်တွေရှိပြီး ရောင်း၊ဝယ် လုပ်မှုတွေဟာလဲ တူချင်မှ တူမှာမို့ အဲဒီလက်ရှိအချိန်မှာ ဖြစ်ပေါ်နေတဲ့ စိတ်ခံစားမှုတွေကိုလဲ လေ့လာသင့်ပါတယ်။

    ငွေကြေးတစုံရဲ့ တန်ဘိုး တက်တာကို ဈေးကွက်ထဲမှာ Bull ကျွဲ နဲ့ သင်္ကေတ ပြုပြီး တန်ဘိုးကျတာ ကိုတော့ Bear ဝက်ဝံ အနေနဲ့ ကိုယ်စားပြုပြီး ပြောဆိုလေ့ရှိပါတယ်။

၎) ဘာအကောင်းဆုံးလဲဟေ့.......
    ဒီမေးခွန်းနဲ့ ပါတ်သက်ပြီး ကုန်သည်များဟာ မိမိယုံကြည်ရာနည်းလမ်းကို အကောင်းဆုံးလို့ ပြောဆိုကြမှာကို သင်ကြုံရမှာ ဖြစ်ပါတယ်၊ အဲလိုတဖက်သတ် ပြောဆိုမှုများကို သင်မယုံကြည်သင့်ပါဘူး။

    သင်အရောင်းအဝယ် လုပ်တဲ့အခါမှာ သင့်အတွက် အကျိုးအမြတ် အရှိဆုံးနဲ့ လေ့ကျင့်မှုများအရ သင်အနှစ်သက်ဆုံး လေ့လာမှု နည်းလမ်းကို ရွေးချယ်ပြီး အရောင်းအဝယ်လုပ်သွားရမှာ ဖြစ်ပါတယ်။

    တကယ်တမ်းကျတော့ အဲဒီ လေ့လာနည်း ၃ မျိုးစလုံးဟာ တခုနဲ့တခု ဆက်နွယ်နေတဲ့အတွက် ကိုယ်သန်ရာတခုကို အဓိကထားပြီး ကျန်တဲ့ ၂ ခုကိုလဲ မျက်ခြေမပြတ်သိနေဘို့ လိုပါတယ်။

    တကယ်လို့ မတတ်သာတဲ့အဆုံး လေ့လာမှုနည်းလမ်းတွေဟာ သင့်ကိုဆန့်ကျင်ဖက် ညွှန်ပြနေပြီး သင်ကလဲ အရောင်းအဝယ်ကို သိတ်လုပ်ချင်နေပါတယ် ဆိုရင်တော့ Technical Analysis လို့ခေါ်တဲ့ "လူတွေရဲ့အကျင့်စရိုက်များနဲ့ သင်္ချာပညာရပ်များကို ပူးပေါင်းလေ့လာခြင်း" ဆိုတဲ့ နည်းလမ်းကို ဦးစားပေးလိုက်ပါလို့ ကျွန်တော့်အတွေ့အကြုံအရ အကြံပြုပါရစေ။

ကိုဗွီနိုင်ဘလော့(ဂ်)မှ ကူးယူဖော်ပြသည်။
http://myanmarforextradingeducation.com<<<Thank's

အောက်ခြေအထောက်အပံ့နဲ့ အပေါ်အတားအဆီးများအား လေ့လာခြင်း


    အောက်ခြေအထောက်အပံ့နဲ့ အပေါ်အတားအဆီးများကို ငွေကြေးရောင်းဝယ်ရာမှာ ကုန်သည်တိုင်း အသုံးပြုကြပါတယ်၊ ဒါပေမယ့် တွက်ချက်ပုံ၊ ယူဆပုံ နည်းလမ်းများစွာရှိပြီး တဦးနဲ့တဦး တူချင်မှတူပါလိမ့်မယ်။

    အထောက်အပံ့နဲ့ အတားအဆီး တို့ရဲ့ အခြေခံသဘောတရားတွေကို လေ့လာကြည့်ရအောင်.....

Resistance = အပေါ်အတားအဆီး
Support = အောက်ခြေ အထောက်အပံ့
  
  ငွေလဲလှယ်နှုန်းဟာ အပေါ်အတားအဆီးရောက်ရင် ပြန်ကျပြီး အောက်ခြေအထောက်အပံ့ ရောက်ရင် ပြန်တက်သွားတာကို တွေ့ရပါလိမ့်မယ်။

    အပေါ်အတားအဆီးတွေကို နှိုင်းယှဉ်ကြည့်လိုက်ရင် တခုထက်တခု ပိုပြီးမြင့်တက်သွားတာတွေ့ရသလို အောက်ခြေ အထောက်အပံ့   တွေကို ကြည့်လိုက်ရင်လဲ အလားတူတခုထက်တခုပိုပြီး မြင့်တက်သွားတာ တွေ့ရမှာပါ။

    ဒီလိုပုံစံမျိုးကို အတက်ဈေးကွက် (သို့) ကျွဲမားကက် Bull Market လို့ ခေါ်ပြီး သူနဲ့ ဆန့်ကျင်ဘက် အပေါ်အတားအဆီးတွေ နဲ့ အောက်ခြေအထောက်အပံ့တွေဟာ တခုထက်တခုပိုပြီး အောက်ကိုနိမ့်ကျသွားမယ် ဆိုရင်တော့ အကျဈေးကွက် (သို့) ဝက်ဝံမားကက် Bear Market လို့ ခေါ်လေ့ရှိပါတယ်။
Bull = အတက်
Bear = အကျ

၁) အပေါ်အတားအဆီး နှင့် အောက်ခြေအထောက်အပံ့ တန်ဘိုးများကို ရှာဖွေခြင်း
    
    သင်သိထားသင့်တာ တခုကတော့ ဒီတန်ဘိုးတွေကို အကြမ်းဖျင်းသတ်မှတ်နိုင်ပေမယ့် တိတိကျကျ ဂဏန်းတန်ဘိုးအနေနဲ့ တွက်ချက်နိုင်ဘို့ မလွယ်ဘူးဆိုတာပါဘဲ၊ ဘာလို့လဲဆိုတော့ အဲဒီတန်ဘိုးတွေအနီးတဝိုက်မှာ ရောင်းသူ၊ဝယ်သူ တွေဟာ မိမိအယူအဆနဲ့ ရောင်း၊ဝယ်ပြီး လွန်ဆွဲနေ ကြလို့ပါပဲ။

    ဖရောင်းတိုင်ချတ် မှာဆိုရင် အောက်ခြေအတားအဆီးတခုရဲ့ လဲလှယ်နှုန်းတဝိုက်မှာ ဒီလိုလွန်ဆွဲနေကြတာတွေကို ဖရောင်းတိုင်ရဲ့ မီးဇာများ Shadowsအနေနဲ့ သင်တွေ့မြင်ရမှာ ဖြစ်ပါတယ်။

သင့်အနေနဲ့ အောက်ခြေအတားအဆီးတန်ဘိုးကို အတိအကျတွက်ချက်ပြီး ဖေါ်ပြထားတဲ့အတိုင်း မျဉ်းတကြောင်းအနေနဲ့ သတ်မှတ်ထားခဲ့မယ်ဆိုရင် လဲလှယ်နှုန်းက ဒီမျဉ်းကြောင်းအောက်ကို ရောက်သွားတာနဲ့ ဒီ အတားအဆီးကို ကျော်ပြီး သူ့အောက်က နောက်အတားအဆီးတခုဆီကို ဆက်ကျသွားတော့မယ်လို့ ထင်မှတ်မှားနိုင်ပါတယ်။

    ဒါပေမယ့် လဲလှယ်နှုန်းဟာ အဲဒီအတားအဆီးတဝိုက်မှာ လွန်ဆွဲပြီး အပေါ်ကိုပြန်တက်သွားတာပါ၊ အဲဒါကြောင့် အတားအဆီး (သို့) အထောက်အပံ့ တန်ဘိုးများကို ဧရိယာ Zones များအနေနဲ့ တွက်ချက်သတ်မှတ်ပါလို့ အကြံပြုပါရစေ။

အဲဒီတန်ဖိုးများကို ဧရိယာအနေနဲ့ တွက်ချက်ပြီး ဖေါ်ပြထားတဲ့ နမူနာတခုဖြစ်ပါတယ်။
 Resistance Zones = အပေါ်အတားအဆီး ဧရိယာ
 Support Zones = အောက်ခြေအထောက်အပံ့ ဧရိယာ

၂) အတားအဆီးနဲ့ အထောက်အပံ့တို့ရဲ့ စိတ်ဝင်စားစရာကောင်းသော သဘာဝ
    
    စိတ်ဝင်စားစရာကောင်းတာတခုကတော့ လဲလှယ်နှုန်းတခုဟာ အပေါ်အတားအဆီးတခုကို တကယ် ကျော်ဖြတ်ပြီး အပေါ်ကို တက်သွားနိုင်ပြီဆိုရင် အဲဒီကျော်ဖြတ်ခံလိုက်ရတဲ့ အတားအဆီးဟာ နောင်တချိန်မှာ အောက်ခြေအထောက်အပံ့ အဖြစ် ပြောင်းလဲသွားလေ့ရှိတာပါပဲ။

    အလားတူဘဲ လဲလှယ်နှုန်းတခုဟာ အောက်ခြေအထောက်အပံ့တခုကို တကယ်ကျော်ဖြတ်ပြီး အောက်ကိုဆင်းသွားနိုင်ပြီဆိုရင်လဲ အဲဒီကျော်ဖြတ်ခံလိုက်ရတဲ့ အထောက်အပံ့ဟာ   နောင်တချိန်မှာ အပေါ်အတားအဆီးတခုအဖြစ် မကြာခဏပြောင်းလဲလေ့ရှိတာကို   တွေ့ရှိရပါတယ်။

    နောက်တခုကတော့ လဲလှယ်နှုန်းတခုဟာ အပေါ်အတားအဆီး/အောက်ခြေအထောက်အပံ့ တခုခုကို အကြိမ်အတော်များများ ကြိုးစားပေမယ့် မဖြတ်သန်းနိုင်ခဲ့ဘူးဆိုရင်တော့ ကြိုးစားပေမယ့် မဖြတ်သန်းနိုင်တဲ့ အကြိမ်များလေလေ အဲဒီ အတားအဆီး/အထောက်အပံ့ဟာ ပိုပြီးစိတ်ချရတဲ့ ခိုင်မာတဲ့ အတားအဆီး/အထောက်အပံ့ Strong Resistance/Support (သို့) အဓိက အတားအဆီး/အထောက်အပံ့ Major Resistance/Support အဖြစ် သင် သတ်မှတ်နိုင်လေလေပါပဲ။

    အတားအဆီး/အထောက်အပံ့တခုကို ကျော်ဖြတ်သွားနိုင်တဲ့ လဲလှယ်နှုန်းတခုရဲ့ အင်အားကိုလဲ သူကျော်ဖြတ်ခဲ့တဲ့ အတားအဆီး/အထောက်အပံ့ရဲ့ ခိုင်မာမှုအင်အားကိုမူတည်ပြီး ခန့်မှန်းနိုင်ပါသေးတယ်။
Strong Support = ခိုင်မာတဲ့ အထောက်အပံ့
Major Resistance = အဓိက အတားအဆီး

 
ကိုဗွီနိုင် ဘလော့(ဂ်)မှ ကူးယူဖော်ပြပါသည်။
http://myanmarforextradingeducation.com<<<Thank's

အွန်လိုင်း ငွေကြေးအရောင်းအဝယ်ကို ဘယ်လိုလုပ်ရမှာလဲ?


၁) ငွေကြေး အရောင်းအဝယ် အတွဲ၊ လဲလှယ်နှုန်းနဲ့ အခြေခံများ

    ဒီဈေးကွက်မှာ သင်ဟာ တန်ဖိုးကျနိုင်တဲ့ငွေကိုရောင်းပြီး တန်ဘိုးတက်နိုင်တဲ့ငွေကို ဝယ်ခြင်းအားဖြင့် စီးပွားရှာရမှာဖြစ်ပါတယ်၊ အဲဒီငွေကြေး ၂ခု လဲလှယ်နှုန်း ကွာခြားလာတာနဲ့အမျှ သင်ဟာ အကျိုးအမြတ် ရရှိလာမှာဖြစ်ပါတယ်၊

    သက်ဆိုင်ရာ ငွေကြေးအစုံနဲ့ ၄င်းတို့ရဲ့လဲလှယ်မှုနှုန်းကို အောက်ပါအတိုင်း ဖေါ်ပြလေ့ရှိပါတယ်။

                                     SELL / BID                            BUY / ASK

EUR/USD                     1.3366                                  1.3369

    အရှေ့ကငွေကြေး  EUR ယူရိုကို "အခြေခံငွေကြေး" Base Currency လို့ခေါ်ပြီး အနောက်ကဖေါ်ပြထားတဲ့ USD အမေရိကန်ဒေါ်လာ ငွေကြေး ကိုတော့"တွက်ချက်ထားတဲ့   ငွေကြေး" Quote Currency  လို့ခေါ်ပါတယ်။ ရောင်းတာကို SELL (သို့) BID လို့ဖေါ်ပြလေ့ရှိပြီး ဆွေးနွေးတဲ့အခါ SHORT လို့ သုံးပါတယ်၊ ဝယ်တာကိုတော့ BUY (သို့) ASK လို့ဖေါ်ပြလေ့ရှိပြီး  ဆွေးနွေး ကြတဲ့အခါ  LONG လို့လဲ သုံးလေ့ရှိပါတယ်။
SELL = BID = SHORT                         
BUY = ASK = LONG

    ဖေါ်ပြထားတဲ့ လဲလှယ်နှုန်းကတော့ အခြေခံငွေကြေး တယူနစ်မှာ တွက်ချက်ခံရတဲ့ငွေကြေး ဘယ်လောက်ရှိတယ် ဆိုတာပါဘဲ၊ ငွေကြေးအစုံတိုင်းဟာ အခြေခံငွေကြေး တယူနစ်ကို မူတည်ပြီး တွက်ချက်ဖေါ်ပြထားကြတာပါ၊ အပေါ်မှာကတော့ ၁ ယူရိုမှာ အမေရိကန် ၁.၃၃၆၆ ခန့် လဲလှယ်နှုန်း ရှိတယ်လို့ ဆိုလိုပါတယ်၊ အရောင်းနဲ့ အဝယ်နှုန်းမှာ မတူဘဲ အနည်းငယ် ၀.၀၀၀၃ ကွာခြားတာကို သတိထားမိပါလိမ့်မယ်၊ အဲဒီကွာခြားချက်က အွန်လိုင်း တိုက်ရိုက်ငွေလဲလှယ်ခပါ။ ၀.၀၀၀၁ ဖြစ်တဲ့ ၁ ပစ် pip ဟာ သင်ဝယ်တဲ့ ငွေပမာဏရဲ့ ၀.၀၁% နဲ့ ညီမျှပါတဲ့အတွက် ၀.၀၀၀၀၃ ဖြစ်တဲ့ ၃ ပစ် pip ဟာ သင်ဝယ်တဲ့ ငွေပမာဏရဲ့ ၀.၀၃% နဲ့ညီမျှမှာပါ၊

    အထက်ဥပမာအရဆိုရင် EUR ယူရို တသိန်း အွန်လိုင်းတိုက်ရိုက် ရောင်းဝယ်ဘို့အတွက် သင့်ဒေါ်လာအကောင့်မှာ ဒေါ်လာ ၁၃၄၀၀၀ တသ်ိန်း ၃သောင်း လေးထောင်ခန့် ရှိရမှာဖြစ်ပြီး   ရောင်းဝယ်ခအဖြစ် ကွာခြားချက် ၃ ပစ် pip ၀.၀၀၀၃ ဖြစ်တဲ့ ဒေါ်လာ ၃၀ (တသိန်းရဲ့ ၀.၀၃%) ပေးရမှာဖြစ်ပါတယ်၊ တကယ်တန်းကျတော့ သင့်ဒေါ်လာ အကောင့်မှာ ဒေါ်လာ ၅၀၀ ထည့်ထားရင် သင်ဟာ EUR ယူရို တသိန်းကို အွန်လိုင်း   ရောင်းဝယ်နိုင်ပြီဖြစ်ပါတယ်၊ အဲဒါကိုLeverage "မြှင့်တင်ပေးငွေ" လို့ခေါ်ပြီး အသေးစိတ်ကို နောက်ပိုင်းမှာ ရှင်းပြပါမယ်။

    သင်တကယ်သိထားရမှာကတော့ အခြေခံငွေကြေး EUR ယူရိုကို ရောင်းခြင်ရင် SELL အောက်မှာရှိတဲ့ နှုန်း (1.3366) ကို နှိပ်ရမှာဖြစ်သလို EUR ယူရိုကိုဝယ်ခြင်ရင် BUY  အောက်မှာ ဖေါ်ပြထားတဲ့   နှုန်း (1.3369)ကို နှိပ်ရမှာဖြစ်ပါတယ်၊ အခြေခံငွေကြေးကို ရောင်းရင် သူနဲ့တွဲနေတဲ့ ငွေကြေးကို ဝယ်ပြီးသားဖြစ်သွားပြီး အခြေခံငွေကြေးကို ဝယ်ရင် သူနဲ့တွဲနေတဲ့ ငွေကြေးကို အလိုလို   ရောင်းပြီးသားဖြစ်သွားပါတယ်။ အဲဒီတော့ ကိုယ်အရောင်းအဝယ်လုပ်ခြင်တဲ့ ငွေကြေးအတွဲကို လိုက်ရှာပြီး ရောင်း (သို့) ဝယ် လုပ်ရုံပါဘဲ

၂) မာဂျင်၊ နေ့တိုး နှင့် အကျိုးအမြတ် တွက်ချက်ပုံ

Margin မာဂျင် (အနည်းဆုံး သင့်အကောင့်တွင် ကျန်ရှိရမည့်ငွေ) နှင့်  Lots size ဝယ်ယူနိုင်သည့် ပမာဏများ
    Margin မာဂျင်ငွေအဖြစ် သင်အရောင်းအဝယ်လုပ်သည့် ကုမ္ပဏီ Broker ပေါ်မူတည်ပြီး သင်ဝယ်ယူထားသည့်ငွေပမာဏ၏ ၀.၀၅% မှ ၀.၅% အထိ သင့်အကောင့်တွင် လက်ကျန်ငွေ ရှိရပါတယ်။

    Lots size ဝယ်ယူရမည့် ပမာဏများကတော့ သင်ဖွင့်တဲ့အကောင့်ပေါ်မူတည်ပြီး Micro အသေး၊ Mini အငယ် နဲ့ Standard ပုံမှန် အကောင့်တို့အတွက်အနည်းဆုံးဝယ်ယူရမယ့် ပမာဏအဖြစ် ၁၀၀၀ (တထောင်)၊ ၁၀၀၀၀ (တသောင်း) နဲ့ ၁၀၀၀၀၀ (တသိန်း) ဆီ အသီးသီး သတ်မှတ်ထားပါတယ်။

Rollover နေ့တိုး

    Leverage "မြှင့်တင်ပေးငွေ" အနေနဲ့ သင်ရောင်းဝယ်ရာမှာ ကုမ္ပဏီက ငွေများကို သင့်အတွက် စိုက်ထုတ်ပေးထားတာကြောင့် ကုမ္ပဏီရဲ့ငွေတွေကိုသုံးထားတဲ့သင့်ရဲ့ရောင်းဝယ်မှုဟာ  ဒီနေ့ကနေ နောက်နေ့ကူးသွားမယ် ဆိုရင်တော့ နေ့စဉ်ဘဏ်တိုးအဖြစ် မပြောပလောက်တဲ့ ငွေအနည်း ငယ်ပေးရပါမယ်၊   ရောင်းဝယ်မှု   နေ့မကူးဘူးဆိုရင်တော့ ပေးစရာမလိုပါဘူး။
    Leverage "မြှင့်တင်ပေးငွေ" အနေနဲ့ ကုမ္ပဏီပေါ်မူတည်ပြီး သင့်လက်ရှိငွေရဲ့ အဆ ၅၀ လောက်ကနေ အဆ ၄၀၀ လောက်ထိ မြှင့်တင်ရောင်းဝယ်ခွင့် ပေးထားပါတယ်။

အကျိုးအမြတ် တွက်ချက်ပုံ Profit calculation

    သင်ယူရို ကျမယ်ခန့်မှန်းပြီး ၁.၃၃၆၆ နှုန်းမှာရောင်းလိုက်တဲ့အတိုင်း ယူရိုငွေကြေးကျသွားပြီး သင့်ရဲ့ရောင်းဝယ်မှုကို ၁.၃၄၆၆ မှာ ရပ်လိုက်မယ်ဆိုရင် သင်ဟာ၁.၃၄၆၆-၁.၃၃၆၆ = ၀.၀၁၀၀ = ၁၀၀ ပစ် pip မြတ်သွားပြီဖြစ်ပါတယ်၊ 

    အလားတူဘဲ သင်ယူရို တက်မယ်ခန့်မှန်းပြီး ၁.၃၃၆၉ နှုန်းမှာဝယ်လိုက်တဲ့အတိုင်း ယူရိုငွေကြေးတက်သွားပြီး သင့်ရဲ့ရောင်းဝယ်မှုကို ၁.၃၄၆၉ မှာ ရပ်လိုက်မယ်ဆိုရင် သင်ဟာ ၁.၃၄၆၉-၁.၃၃၆၉ = ၀.၀၁၀၀ = ၁၀၀ ပစ် pip မြတ်သွားပြီဖြစ်ပါတယ်၊ 

    သင် ငွေကြေးတသိန်းဘိုး ဝယ်ယူထားတဲ့အတွက် တပစ် pip အတက်အကျတန်ဘိုးဟာ ဒေါ်လာ ၁၀ ရှိတဲ့အတွက် သင်ဟာ ၁၀၀ ပစ် pip x ဒေါ်လာ ၁၀ = ဒေါ်လာ တထောင် အမြတ် ရရှိသွားပြီဖြစ်ပါတယ်။ 

ရှင်းပြတာတွေ များလို့ ရှုပ်နေသလိုထင်ရပေမယ့်........ အနှစ်ချုပ်မှာတော့......
1) ဝယ်ချင်တဲ့ အတွဲကို ရွေးတတ်ဖို့ ရယ်
2) ကိုယ့်ဝယ်ချင်တဲ့ ငွေလဲလှယ်နှုန်းမှာ ခလုတ်လေးနှိပ်ပြီး ဝယ်ယူတတ်ဖို့ရယ်
3) အကြမ်းမျဉ်းအားဖြင့် တသိန်းဘိုးလောက် ဝယ်ရောင်း လုပ်ရင် တပစ် pip ကို ဒေါ်လာ ၁၀ လောက် အကျိုးအမြတ်တန်ဖိုး ရှိတယ်ဆိုတာရယ် သိထားရင် အဆင်ပြေပါပြီ။ 

    တသောင်းဘိုး ဝယ်ရောင်း --> တပစ် pip = တဒေါ်လာ ခန့်၊ တသိန်းဘိုး ဝယ်ရောင်း --> တပစ် pip = ဒေါ်လာ ၁၀ ခန်၊့ တသန်းဘိုး ဝယ်ရောင်း --> တပစ် pip = ဒေါ်လာ ၁၀၀ ခန့်

နိုင်ငံတွေရဲ့ ငွေကြေးအတက်အကျ ခန့်မှန်းရာမှာတော့.........အဓိကအားဖြင့်.......
I)  Fundamental Analysis
    အဲဒီနိုင်ငံနဲ့ သူ့ရဲ့ အဓိကကုန်သွယ်ဖက်နိုင်ငံများရဲ့ လက်ရှိ နိုင်ငံရေး၊ စီးပွားရေး အခြေအနေများအကြောင်း
II) Technical Analysis
    ကမ္ဘာကျော် သင်္ချာံပညာရှင်၊ စိတ်ပညာရှင် ကြီးများရဲ့ အတတ်ပညာတွေနဲ့ လူတွေရဲ့ လက်တွေ့အမူအကျင့် ပြုမူချက်များကို နှစ်ပေါင်းများစွာ လေ့လာပြီး   ဖေါ်ထုတ် ထားခဲ့တဲ့  သင်္ချာ၊ တိုင်းထွာနည်းပညာ ဖေါ်မြူလာတွေနဲ့ လက်ရှိငွေကြေးအတက်အကျခြေအနေတွေကို လေ့လာခြင်း
III) Sentimental Analysis
    လက်ရှိ ရောင်းဝယ်နေကြတဲ့ ငွေကြေးကုန်သည်များရဲ့ တဒင်္ဂ စိတ်ခံစားမှုအခြေအနေ ကိုလေ့လာခြင်း ဆိုပြီး ၃ ပိုင်းရှိပါတယ်

အဲဒါတွေကို အဆင့်မြင့် သင်္ခန်းစာများမှာဆက်ပြီး ဖေါ်ပြသွားပါ့မယ်.........

၃) အရောင်းအဝယ် အော်ဒါ အမျိုးအစားများ

   က) လက်ရှိပေါက်ဈေးဖြင့် ရောင်းဝယ်ခြင်း Market order
    လက်ရှိမြင်တွေ့နေရသော လဲလှယ်နှုန်းအတိုင်း ရောင်း SELL အောက်မှနှုန်း (သို့) ဝယ် BUY အောက်မှနှုန်းကို နှိပ် CLICK ကာ ဝယ်၊ရောင်း လုပ်ခြင်းဖြစ်ပါသည်။

    ခ) မိမိနှစ်သက်သည့် နှုန်းတွင် အလိုအလျှောက် အရောင်းအဝယ်ပြုလုပ်စေခြင်း
    ဝယ်၊ရောင်း ဆက်တင်ပြုလုပ်ခြင်း Limit Order 
    ဝယ်၊ရောင်း လိုသည့် နှုန်းကို ကြိုတင်တွက်ချက်ကာ ဆက်တင်  လုပ်ထားပြီး ထိုနှုန်းအရောက်တွင် အလိုအလျှောက် အရောင်းအဝယ်ပြုလုပ်စေခြင်းဖြစ်ပါသည်၊

ဒီနည်းကတော့ အချိန်မရှိသူများနဲ့ အင်တာနက်လိုင်းမကောင်းတဲ့နေရာများမှာ အထူး အသုံးဝင်လှပါတယ်။ 
    ကျေနပ်သောအမြတ် နှင့် အများဆုံးအရှုံးတို့ကို ဆက်တင်ပြုလုပ်ခြင်း Stop loss & Take profit
    ဝယ်၊ရောင်း လိုသည့် နှုန်းကို ကြိုတင်တွက်ချက်ကာ ဆက်တင် လုပ်ချိန်ချိန်တွင် တပြိုင်နက်ထဲ မိမိကျေနပ်သောအမြတ် နှင့် အများဆုံးအရှုံးတို့ကိုလဲ တွက်ချက်ကာ ဆက်တင် ပြုလုပ်ထားနိုင်ပါသည်၊ 

    ထိုသို့ပြုလုပ်ထားလျှင် ဆက်တင်လုပ်ထားသော နှုန်းအရောက်တွင် စက်ကဝယ်ယူထားပေးပြီး လဲလှယ်နှုန်းထပ်မံပြောင်းလဲမှု အရ မိမိကျေနပ်သောအမြတ်သို့ရောက်လျှင် (သို့) အများဆုံးကျေနပ်သောအရှုံးသို့  ရောက်လျှင် သူ့အလိုအလျှောက် အရောင်းအဝယ်ရပ်သွားမည် ဖြစ်ပါသည်။

    ဂ) ဆက်တင်တခု ဝယ်ရောင်းချိန်တွင် အခြားဆက်တင်တခုအား အလိုအလျှောက် ပျက်ပြယ်စေခြင်း   One-Cancels-the-Other (OCO)
    သင့်အနေဖြင့် လဲလှယ်နှုန်း တက်မည်၊ ကျမည်ကို မခန့်မှန်းနိုင်ခဲ့လျှင် ဆန့်ကျင်ဘက် ဆက်တင် ၂ ခုပြုလုပ်ထားပြီး ဆက်တင်တခုအား စက်မှ အလိုအလျှောက် ဝယ်ရောင်း လုပ်ချိန်တွင် အခြားဆက်တင်တခုအား အလိုအလျှောက် ပယ်ဖျက်ပေးသောနည်း ဖြစ်ပါသည်၊ သင်အနားတွင် ရှိနေစရာ မလိုအပ်ပါ။

    ဒီနည်းကိုတော့ အရေးကြီးသော သတင်းများ ထွက်ပေါ်ခါနီးတွင် အသုံးပြုလေ့ရှိပါသည်၊ ငွေလဲလှယ်နှုန်းအတက်အကျမှာ ထွက်လာမည့်သတင်းပေါ်လုံးဝမူတည်နေမယ်ဆိုရင် သင် မခန့်မှန်း နိုင်တဲ့အခါ အသုံးဝင်လှပါတယ်။

    အခြားသော နည်းလမ်းများ Trailing Stop, One-Triggers-the-Other, Good for the Day (GFD), Good 'Till Cancelled (GTC) စသည်ဖြင့်ရှိနေသေး သော်လည်း အသုံးဝင်မှု နည်းပါးသည်ဟု ယူဆသောကြောင့် မဖေါ်ပြတော့ပါ။

၎) လေ့ကျင်!့  လေ့ကျင်!့  လေ့ကျင့်!

    အွန်လိုင်း ငွေကြေး အရောင်းအဝယ် လုပ်ငန်းကို သင်တန်းတက်ပြီးဖြစ်စေ၊ မိမိဘာသာလေ့လာပြီးဖြစ်စေ ပြည်စုံစွာလေ့လာပြီးရင်တော့ သင်ပထမဆုံးလုပ်ရမယ့် အလုပ်က စနစ်တကျ စီမံကိန်း ရေးဆွဲပြီး တကယ့်အချိန်နဲ့အမျှ အတက်အကျဖြစ်ပေါ်နေတဲ့ ငွေကြေးဈေးကွက် ထဲမှာ တကယ်သင့်ရဲ့ငွေ အကုန်အကျမရှိသေးဘဲ မိမိကိုယ်ယုံကြည်မှု ရှိလာသည်အထိ အချိန်ယူကာ လေ့ကျင့်သွားဘို့ဖြစ်ပါတယ်။

    လူတယောက်နဲ့တယောက်ဟာ စိတ်နေစိတ်ထား၊ စိတ်ရှည်မှု၊ စွန့်စားလိုမှု၊ အကျိုးအမြတ်ရလိုမှု၊ အဆုံးရှုံးခံနိုင်မှု၊ အချိန်ပေးနိုင်မှု စတာတွေ ဘယ်လိုမှ မတူညီနိုင်တဲ့ အတွက် မိမိကိုယ်တိုင်တည်ဆောက်ပြီးဖြစ်စေ၊ တခြားသူတည်ဆောက်ထားတာကိုဖြစ်စေ အဲဒီရောင်း၊ဝယ်ရေး ဖေါ်မြူလာတွေကို တကယ့်ဈေးကွက်ထဲမှာ အကုန်အကျမရှိဘဲ လေ့ကျင့်ပြီး မိမိနဲ့အသင့်တော်ဆုံး ရောင်းဝယ်ရေးနည်းလမ်းကို အတည်ပြု ရယူသွားရမှာ ဖြစ်ပါတယ်၊ ၃ လခန့်လေ့ကျင့်ဘို့ အကြံပြုပါတယ်။

    တခြားအကြံပြုချင်တာတခုကတော့ ဒီလုပ်ငန်းဟာ သင့်ရဲ့ ဘဝတာနေထိုင်မှုကို တာဝန်ယူသွားနိုင်သလို စနစ်တကျနဲ့ အချိန်ယူရောင်းဝယ်ပြီး လူချမ်းသာတယောက်လဲ ဖြစ်စေနိုင်ပါတယ်၊ ဒါပေမယ့် လောဘကြီးမယ်ဆိုရင်တော့ ကုန်သွယ်ခြင်းကိုလုပ်နေတဲ့ တကယ့်ငွေကြေးကုန်သည်တယောက်နဲ့ မတူတော့ဘဲ လောင်းကစားလုပ်တာနဲ့ တူသွားနိုင်တာပါပဲ။ 
ဒါကြောင့် ကုန်သည်တယောက်ရဲ့အမူအကျင့်တွေနဲ့ ကုန်သည်တယောက်ရဲ့ စိတ်မျိုးထားပြီး ငွေကြေးကုန်သည်တယောက် ဖြစ်လာအောင် မိမိကိုယ်ကို ပျိုးထောင်ဘို့ အကြံပေးပါရစေ…
 
 
ကိုဗွီနိုင် ဘလော့(ဂ်)မှ ကူးယူဖော်ပြပါသည်။
http://myanmarforextradingeducation.com<<<Thank's